Naaawa sa sarili ang mumunting alon-dagat.
Siya'y patak na luha lamang sa namamayaning dagat.

Sa dadalawang lugar lang nakikita ang 'sang bangkay:
Ibabaw ng mga alon o sa ilalim ng dagat.

Maliligo na nga lang ba sa banyo at tubig-gripo
Kapag hindi makayanan ang alat sa tabing-dagat?

Sugat na dulot ng katig, ulit-ulit mang dumantal,
Nahihilom rin sa t'wina --- likas sa pagiging dagat.